دي قِسمتك
تحتار مابين دربين مرار
سكة سفر
غربة الروح ف الوطن
لأ والقدر
حاكم خطاوي رحلتك
قلبك دهب
مدفون سنين
هنة وهن
توهة ضمير
حب الحياة خلاك
تسلم للمصير
لسّاك بتحلم والهوى
زي الهوا
مالوش مثيل
لو يتوصف
أو تملكه
يبقى صحيح
مانتاش سراب الأمنيه
حبيت تعيش التجربة
ياقلبها
نظرة عينيها حستك
حست خطاوي نظرتك
راحت لفين
شِربت حنانك والهنا
مارست هواية عمرها
شِبعت لعب
راجع بايه
راجع بحزنك منها ؟
مش قولتلك
أصعب طريق
لو يوم تسافر
من غير دليل
هتتوه كتير
خليك قوي
اقفل بيبانك واسجنك
هتعيش أسير
احسن كتير ما تنحني
وف ايدك تختار
اختار مابين انك تعيش
زي الحجر
او تنتهي
زي البشر
أبعدى النور عن عنيا خايف أشوف
الاشتراك في:
تعليقات الرسالة (Atom)
ليست هناك تعليقات:
إرسال تعليق